上晝同Gi 去上工聯會的中草藥介紹課程，開頭以為好簡單，原來都有D學問！導師講得幾有趣，唔悶，遲D仲可能會帶我地去行下山，睇下D真實的草藥添！
落堂去了旺角＜害匙＞，hmm...不談內容了，但係感覺好好，緊張得來，劇情超出了估計，真係可以話“你估佢唔到”。
PS. 原來我用錯了信用卡，等我仲鬧左賣飛個人幾句添... -_-
之後Gi去睇牙醫，我返屯門，先去吉之島買番個家用電話，ACL $199，好平呀，再去睇下有冇暖水壼，終於俾我買到喇，希望Gi o岩用(拖左半年的生日禮物)。
返屋企休息了一陣，晚上去了黃金海岸，中學同學阿敏的結婚喜宴，見到幾個好耐好耐冇見的同學仔呀！（中三到現在，都有12至13年了）大家都冇乜點變呀，係多數人肥左（出黎做野真係會變肥！）。
好多同學都找到另一半了，大部份都準備呢一、兩年結婚添，幾時到我呢...
席間，見到F小姐，可惜，始終不敢再和她說話。
