2006/08/31

黃金, 俄羅斯, 塞車

今晚做了幾樣野... 首先放工去買了阿妹的電腦!
Sister PC photo #1

Sister PC photo #2

Sister PC photo #3

底板: ASRock AM2NF6G-VT
CPU: AMD Sempron 3000+
RAM: Kingmax 512M x 2
DVD: Lite-On 8X DVD-RW
黑色細case一個
總共 $2200! 幾抵丫, 有需要時買埋 SATA harddisk.
搭巴士回家途中, 塞車!!
塞左成個幾鐘頭, 結果我玩俄羅斯方塊, 玩到...

Tetris line 999


Tetris level 124


level 124, line 999 (999之後唔計行數!)
仲未game over! 今晚或聽朝繼續.

2006/08/30

紫微斗數之 php

未寫過任何 php program, 第一次寫就寫 form processing, 都有d難度, 好在, perl 和 php 都幾接近, 寫到了, 可以計到紫微星系和天府星系, 明天再寫!

2006/08/29

紫微斗數之自己寫program

今晚用了 perl 寫一個簡單的起盤程式, 不過暫時只寫到五行命局, 明天再研究點寫 php 版, 始終 web base好用好多!

Live CD

要整 TLD SP 的 Live CD了, 北京的同事已經做到一個基於 ubuntu live CD 的 live CD, 我問過佢地點整之後, 自己由冇到有再整一次, 而家已經可以開機了, 但係仲有2個問題要解決:
1. sudo 問題: 由於 casper 唔知點解冇做到 add "admin" group 同把 "user" 加到 "admin" group, 以及修改 /etc/suders
2. install 問題: live CD installer 預設把 sources.list 指向 ubuntu 的 repositories, 要改到指向 tld sp 的先可以用

2006/08/28

紫微斗數之【祿存、擎羊、陀羅】,【天魁、天鉞】,【太歲煞祿神】

1. 看出生年天干,放【祿存】星:
甲在寅宮,乙在卯宮,丙在巳宮,丁在午宮,戊在巳宮,
己在午宮,庚在申宮,辛在酉宮,壬在亥宮,癸在子宮。
【祿存】之下一宮放【擎羊】,上一宮放【陀羅】。

2. 【天魁】、【天鉞】星放法:
首先,安放【天魁】和【天鉞】時會跳過辰、戌、午三宮。
天魁放法: 天干是己時,放在子,之後庚配丑、辛配寅,順宮數,如此類推,到天干是戊時回到丑(不是子),所以【出入之門】為丑。
天鉞放法: 天干是己時,放在申,之後庚配未、辛配巳,逆宮數,如此類推,到天干是戊時回到未(不是申),所以【出入之門】為未。

3. 太歲煞祿神訣:
【祿存】所在位置放【博士】,之後到【力士】、【青龍】、【小耗】、【將軍】、【奏書】、
【飛廉】、【喜神】、【病符】、【大耗】、【伏兵】、【官府】。
陽男或陰女順放,陰男或陽女逆放。

2006/08/27

【神鵰俠侶】大結局

終於大結局了。
始終覺得江湖大俠係唔該出現在戰場上的,實力差太遠了,不合情理。

2006/08/26

2006電腦及通訊展

今日下晝去會展睇電腦及通訊展, 好多都係賣 USB手指, compact flash, SD, webcam 等等.
同埋好多 show girls, 好多人影相, 好似變了主角咁.
幫人買了 Kingmax 1GB mini SD $145, Olmypus 1G xD $355, 自己買了白色圓筒 USB hub, 好得意, $59.

2006/08/25

日本沉沒

今晚去了睇日本沉沒。
睇戲之前去了同事介紹的(佢唔係住屯門...) 屯門市中心附近的青森日本料理, 幾好呀, 又平又大件, 食到飽晒!
JapaneseFood
Aug 26, 2006 - 8 Photos

之後去凱都睇【日本沉沒】, 套戲係講版塊移動, 令日本被自己下面的版塊"拉"入海底, 中間不斷地有地方被毀, 首相第一個空難死亡, 主角有3個, 一個海底生物學家, 一個女救援隊成員, 一個地質學家, 過程有點悶, 總之結局就不能大團圓啦...
地質學家研究到要用巨型的炸藥把板塊炸開, 使它不能拉日本入海底, 海底生物學家成為了引爆者, 犧牲了自己引爆了炸彈, 最終救了日本及日本的人, 不過女救援隊成員就失去了愛人。
有少少感動, 但真係太多悶場, 好似在 show off 日本有多少防災救災實力咁。

iBook 電池回收

因為 Sony 的電池有問題,蘋果回收部份 iBook/Powerbook 的電池, 今次我有份了, 不過似乎蘋果對香港用戶的照顧真差, 人地係在網上填表就有郵寄一個新電池, 香港就要自己拿去 service center!

2006/08/23

俄羅斯 和 帶盒

放工又去市中心K&K shopping, 買左 Tetris DS ($230)
同埋順便買了一個帶盒($60), 可以裝8盒帶的, 效果不錯!

P1000910.JPG
P1000909.JPG

新keyboard

今日食完晏在公司樓下 shopping, 買左個新keyboard, 屋企的太污糟了!!
crystal white, 我的至愛! 襯晒iBook and NDS lite, 不過都唔係好關事, 哈哈!!


P1000911.JPG

空白星盤

昨晚用OpenOffice的Calc 畫的。


空白星盤

2006/08/21

DS browser

終於買了 DS browser, 信和買, $310.
幾好用, 不過真係有d 慢, 感覺係快過GPRS, 慢過3G,UTF-8 支援不錯, 不過唔支援 Big5 同 GB2312, 有少少遺憾!
正在計劃用 squid 做個 proxy 來幫手 convert d website 去 UTF-8!


P1000912.JPG

紫微斗數之【五行命局】、【長生十二神】、【紫微星系】、【天府星系】

【五行命局】
首先把天干和地支對應手指:
甲:拇指 乙: 食指 丙:中指 丁: 無名指 戊: 尾指 己:拇指 庚: 食指 辛:中指 壬: 無名指 癸: 尾指
子丑: 尾指 寅卯: 無名指 辰巳: 食指 午未: 中指 申酉: 拇指 戌亥: 無名指
先找出命宮宮位(地支)的手指,和出生年天干的手指。 由命宮宮位手指數至出生年天干手指停,
數的時候同時數口訣: 4(金)->3(木)->5(土)->6(火)->2(水)
數的方向是尾指至拇指方向,數至拇指之後回尾指繼續。
例如命宮在未,出生年天干為戊,則由中指數至尾指,即是 4(中指)->3(食指)->5(拇指)->6(尾指) 故命局為6,即火六局。

【長生十二神】
知道五行命局之後,可以安【長生】星,【長生】和命局關係: 水:申宮,土:申宮,火:寅宮,金:巳宮,木:亥宮。
安放好【長生】之後,可以放其餘十一星,但方向則看陰陽。
看出生年天干,甲為陽,乙為陰,丙為陽,丁為陰,如此類推。 陽男或陰女順行,陰男或陽女逆行。
十二神為:長生、沐浴、冠帶、臨宮、帝旺、衰、病、死、墓、絕、胎、養。

【紫微星系】
把出生日加上一個最細的補數,使總和能給【局數】整除。
把所得的商數,加上補數(如補數為雙則加,補數為單則減),由寅宮數起,安【紫微】。
由【紫微】起逆放【天機】、空格、【太陽】、【武曲】、【天同】、空格、空格、【廉貞】。【廉貞】之後是三個空格再回到【紫微】。

【天府星系】
把寅宮和申宮看成對角線,【天府】和【紫微】是相對的,例如一個在巳,另一個就在亥,一個在午,另一個則在戌。
安好【天府】之後,順序放【太陰】、【貪狼】、【巨門】、【天相】、【天梁】、【七殺】、空格、空格、空格、【破軍】。

2006/08/19

避風塘周記、SE K310i

今日腳未好番,唔可以踩單車,阿媽又想買新電話,所以就同左阿媽出街了。
先去市中心新開的《避風塘周記》,裝修好好呀,有漁村feel ,食物都唔貴!
之後在市中心不斷的看電話,最終係揀了一部 sony ericsson K310i,
可以影相,又有mp3同和弦鈴聲,又細部又輕,阿媽都幾鐘意,不過我諗都要
一段時間去習慣了。

2006/08/18

街頭七大武器

原來摺凳係咁勁的...

一.眼鏡(黑眼鏡亦可)
介紹:常見的輔助形武器,七武器中使用得最快,只耍在鼻子對上的東西拿下便可。
建議使用方法:把眼鏡拋出,籍對方擋格之際以瘋拳狂腳之勢「偷襲」!(請參考KOF的K!)
破壞力:視閣下武術修為而異。
缺點:沒近視的人載上會很辛苦。

二.領呔
介紹:主攻形武器,適合白領工作人士。
建議使用方法:用領呔緊緊勒住頸子!(注意:貴價的領呔是很難掙開的)
破壞力:視乎你的腕力、握力而異。
缺點:不習慣的人會不懂打呔,載上也不舒服。

三.手錶
介紹:最常見的輔助形攻擊武器,以勞力士和精工錶牌子的錶最堅硬。
建議使用方法:一般人都知道,錶面的邊緣位置其實是很鋒利的,拳頭如果打不中錶殼會很輕易的斬傷別人。另外,手錶也可充當拳套使用。(請參考GTO,忘了那一期)
破壞力:喜歡的話可以打磨一下錶鋒。
缺點:平價錶很容易打壞。

四.皮帶
介紹:破壞力是數一數二的,而且攻擊方法很多,也可以使用領呔的攻擊方法。
建議使用方法:抓著皮帶尾,揮動皮帶攻擊,以皮帶扣作出攻擊。破壞力:很大,技巧好的話更可以用皮帶扣的「銳角」位置錐擊!(隨時可以致命)
缺點:很容易打中自己。(笑)

五.工業用安全鞋
介紹:一般的「鋼頭鞋」,屬突擊形攻擊武器,破壞力和重量都很大!
建議使用方法:一開始時低聲下氣,當對方不為意時侯勁疾對方的「要害」位置上,由於精鋼的質量和硬度極高,成功的話絕對可以令敵人絕子絕孫。
破壞力:視乎對方是否女性、還有你的腳力而定!(是女性的絕住防狼.......不!除狼器。)
缺點:很重,真的很重!

六.大哥大手提電話(非現時的輕便手提電話)
介紹:舊時的重裝備手提電話,七武器中唯一以防禦為主的武器。建議使用方法:大哥大的機殼是很堅固的,連一般的刀劍甚至子彈也擋得住!也可用電線作插眼之類的攻擊。
破壞力:接近零..........但防衛性能超高。
缺點:很貴,而且新的機殼現在很難找,還要經常充電。

七.摺凳
介紹:接近沒有缺點的神兵,民間隨手可得的江湖武器,曾在無數江湖戰役中脫穎而出,成為千古不變的一級武器。
建議使用方法:摺起來的摺凳,揮動時需要很大的氣力,當然破壞力也是非一般的強大,本身也有著極強大的防禦力,一般刀劍難傷其半分。打到累了還可以坐下來休息,即差警察來了也入不了罪,不愧是七種武器之首!
破壞力:無法估計,神一般的破壞力。
缺點:隨身帶著會很辛苦,現今社會已經很難隨手找到。

2006/08/16

【龍虎門】與我

今晚同朋友去睇【龍虎門】,睇戲之前當然要做下功課,睇下套戲講乜先啦!
但係今次有少少唔同,因為... 我好細個已經有睇龍虎門啦~
細細個(應該未到中學),阿爸買過龍虎門公仔書(漫畫)睇,我都有份睇呀,
我諗至少都睇左幾年,大約係由王小龍打火雲邪神(3xx期)被殺睇到後來
老祖宗天下無敵(約6xx期)左右。
真好運,我睇番資料先知原來呢幾段已經係最好睇的了,之後已經開始亂晒,
完全唔同原本的故事了,最後係去到神魔亂鬥的情節,都幾瘋狂。
結果2000年黃玉郎出獄後重返【龍虎門】,舊版本就草草收場了,之後就
"時光倒流"回到王小龍未死之前,重新來過,是為【新著龍虎門】。
而電影版也是講王小龍、王小虎和石黑龍大戰火雲邪神,不過當然簡單得多啦,
主要都係王小龍打! 哈哈哈~ 鬼叫其餘兩個主角功夫(指演員本身)咁差咩!
不過都算幾好,畫面不俗,唔覺得太誇張,值得一看!

2006/08/14

紫微斗數之命主星、天傷星、天使星、五行寅

「命主星、天傷星、天使星」
命主星不用計,只睇命宮,命主星由【寅宮】開始,依次為: 祿存、文曲、廉貞、武曲、破軍、武曲、廉貞、文曲、祿存、巨門、貪狼、巨門。天傷星放入【奴僕宮】,天使星放入【疾厄宮】。
「五行寅」
月份由正月開始為寅月一直至十二月為丑月。但月份也有天干,依次把出生年的正月至十二月的天干寫到寅宮至丑宮。例如丙寅、丁卯、... 丙子、丁丑。
但月份的天干和年份的天干有直接關係,故不用知道出生年的十二個月的天干地支組合也可以計出來,計算方法就是【五虎遁月訣】了。
【五虎遁月訣】的由來:
曆法由年月日時計算,用天干地支組合共六十個,甲子、乙丑、丙寅一直到癸亥為一遁還。
因為月份也是用干支組合來數,所以當年份過了十年(甲x年到癸x年),月份已經過了一百二十個月,即十個完整遁還,所以月份的天干只要看年份的天干即可。
但是正月是寅月,故第一年【甲x年】的正月為【丙寅月】,一直到十二月為【丁丑月】,第二年【乙x年】正月為【戊寅月】,如此類推一直到【戊x年】的一月為【甲寅月】,十二月為【乙丑月】。
總結了這些變化,發現每年正月的天干和年份的天干關係是這樣:
甲、己 : 丙,乙、庚 : 戊,丙、辛 : 庚,丁、壬 : 壬,戊、癸 : 甲
寅為虎,而五年(60個月)為一個遁環,所以這個口訣叫【五虎遁月訣】。

2006/08/12

屯門元朗單車遊

今日踩單車由屋企踩到屏山, 再找路一直去到元朗廣場, 休息一下, 去喜利商場睇下nds 遊戲, 不過不合心水, ds browser要$320, 有冇搞錯.
休息完飲下野, 食下野, 就回程了, 回程快很多, 不用一小時就返到兆康了.
返到屋企覺得腳有d痛, 原來受傷了添, 哈哈哈!



下次要小心d.

2006/08/09

買router+買notebook cooler+打機

今晚同個中學同學去了黃金, 因佢好鐘意玩 animal crossing, 但係冇 wireless router, 所以就要買個router 了, 買了同 angel, wendy 同 model 的 level one, 好平, 只要 $286 咋!
我又順便去睇下有冇 DS browser, 要$320... 結果係冇買, 我想等佢低過 $300 呢!
後來睇了 notebook cooler, 透明藍光的, 好靚, $89 買了, 明天試下先!
買完野之後去了黃金對面的 M 記食野, 最重要當然係打機啦, 玩了成個鐘頭 animal crossing 先走, 10點半回到家.

2006/08/07

紫微斗數之<安身立命>

1. 先起空白星盤:
巳午未申
辰[] []酉
卯[] []戌
寅丑子亥

2. 看出生月分(農曆), 一月在寅, 二月在卯, 如此類推, 順時辰方面數, 找起點, 例如四月就在巳宮.
3. 找到起點後, 看出生時辰, 反向數, 第一格為子時, 例如四月的辰時, 就數 巳->辰->卯->寅->丑, 因此丑為命宮.
4. 再回到起點, 看出生時辰, 順時辰方向數, 第一格為子時, 例如四月的辰時, 就數 巳->午->未->申->酉, 因此酉為身宮.
5.最後由命宮開始, 反向數, 共十二宮, 為: 命、兄弟、夫妻、子女、財帛、痴厄、遷移、奴僕、宮祿、田宅、福德、父母宮。
6. 至此命宮、身宮和其他都各安其位了。

2006/08/06

魔怪屋

今日下晝同中學同學去了天水圍睇<魔怪屋>, 其實唔算爛片,
但係劇情好短, 講主角們入左間屋的情節超短, 簡單來講, 套片的
戲肉得唔夠20分鐘!
之後去了元朗食壽司, 大件夾抵食!

2006/08/05

單車之旅二

留晒nds的遊戲在公司,得番ac,要專心玩好個town了!

今日又去踩單車,今次路線有少少變化,先去了兆康,
今次冇去元朗,因為我差不多五點才出車,約了人七點
去元朗食飯,冇乜時間。
去到兆康,掉頭回澤豐,再一直去到西鐵屯門站,今次不去
市鎮公園,行了工業區單車徑,直去到天后廟,再去到
新屯門中心,唔係好識路,再返轉頭去番 IVE,經山景回大興,
呢條路線都幾難行,路面不平,經常有暗斜,又多修路,
明天看看有冇時間再去玩下,冇就下星期了。

2006/08/03

水為財?

星期二食午飯,倒瀉大半杯水,成條褲濕晒。
星期三放工同同學去買NDS,回程原本諗住坐地鐵轉西鐵,
後來改變主意去坐巴士到西鐵站,點知差不多落車時勁大雨,
南昌站的巴士站又露天,又大風,又大雨,結果再次濕晒,
但係由上西鐵到返到屯門咩雨都冇。
今朝返工落車冇乜雨,過唯一一條馬路時,過到中間,
又勁大雨,唉,不過只係濕少少都算好。
如果水為財的話,我發達喇。

2006/08/02

DS Browser

DS browser seems a must-buy for DS owner!
But out of stock in SSP and mongkok, even shatin...
Let me find in Tuen Mun!
$280, worth buy!