今晚同朋友去睇【龍虎門】，睇戲之前當然要做下功課，睇下套戲講乜先啦!
但係今次有少少唔同，因為... 我好細個已經有睇龍虎門啦~
細細個(應該未到中學)，阿爸買過龍虎門公仔書(漫畫)睇，我都有份睇呀，
我諗至少都睇左幾年，大約係由王小龍打火雲邪神(3xx期)被殺睇到後來
老祖宗天下無敵(約6xx期)左右。
真好運，我睇番資料先知原來呢幾段已經係最好睇的了，之後已經開始亂晒，
完全唔同原本的故事了，最後係去到神魔亂鬥的情節，都幾瘋狂。
結果2000年黃玉郎出獄後重返【龍虎門】，舊版本就草草收場了，之後就
"時光倒流"回到王小龍未死之前，重新來過，是為【新著龍虎門】。
而電影版也是講王小龍、王小虎和石黑龍大戰火雲邪神，不過當然簡單得多啦，
主要都係王小龍打! 哈哈哈~ 鬼叫其餘兩個主角功夫(指演員本身)咁差咩!
不過都算幾好，畫面不俗，唔覺得太誇張，值得一看!
