水為財?

星期二食午飯，倒瀉大半杯水，成條褲濕晒。
星期三放工同同學去買NDS，回程原本諗住坐地鐵轉西鐵，
後來改變主意去坐巴士到西鐵站，點知差不多落車時勁大雨，
南昌站的巴士站又露天，又大風，又大雨，結果再次濕晒，
但係由上西鐵到返到屯門咩雨都冇。
今朝返工落車冇乜雨，過唯一一條馬路時，過到中間，
又勁大雨，唉，不過只係濕少少都算好。
如果水為財的話，我發達喇。