今日下午和中學同學去了九龍灣的 Mega Box, 原本唔知晌邊的, 坐的士由九龍灣地鐵站去, 原來即係企業廣場五期, 好近我以前九龍灣 office.
Mega Box 好新, 好多店舖都未租出或者未開始營業, 由於今日係公眾假期, 好多人, 好逼!
食完甜品之後去了行 B&Q, 好多好多野睇, 大門口的大閘, 浴缸, 地板, 什至成個獨立屋都有得賣, 不過我相信好少人真係會買.
行完 B&Q 想上去溜冰, 可惜太多人, 等不到.
之後行了過展貿, 等了一個鐘, 終於等到可以打下保齡球, 今次成績極差! 2回合加埋都好似得120左右...
原本諗住返屋企食飯, 不過屋企人唔等我, 唯有出街食啦.
朋友打算乘機去睇煙花, 但不夠時間, 最後只能去到九龍城, 找不到地方可以睇到煙花...
去了一間食新疆野的地方食飯, 幾好味, 好飽!
行路回紅磡, 再坐小巴上火車站, 坐 260X 回家了.
