Fedora 18 released

Fedora 18 終於推出了。


我的Laptop一向是用 Preupgrade 來升級的，由 Fedora 14 到 17，不過 preupgrade 已經 outdate 了，現在要改用 FedUp (https://fedoraproject.org/wiki/FedUp)。

平價WP8, 首選 Nokia Lumia 620

呢部只係 $2288 嘅低階 WP8 手機, 9號推出, 10號去衛訊買咗!
初步意見 (我twitter的summary):
- 造工方面, 唔駛諗, 除咗個殼唔係 陶瓷 或者 碳纖 之外, 係好好揸手, 有少少 soft touch feel, 似 Pre2, Pre3, Thinkpad 嗰種 feel, GOOD!
- WP8 運行好暢順, 幾乎冇 lag, 當然, 呢部只係 512MB RAM, 有部份大食遊戲係玩唔到嘅, 我唔玩遊戲, OK!
- Apps 方面, 我要嘅好簡單，Whatsapp, Line, facebook, twitter, 地圖, 天氣, 新聞報紙, 有齊, OK!
- 有手寫有倉頡, 但係倉頡實在太智能了... 佢自動幫我出咗個字唔駛按 space, 打慣咗要用 space 成日打錯字, 例如時間個"時"字係"日土木戈",但係打到"日土木", 已經得返個時字, 佢就唔駛我打個"戈"就出咗字出去,變咗打咗 "時戈", 盲打不能! FAIL!
- WP8個contact有啲人我有佢幾個contacts, eg. gmail, hotmail, facebook, 佢幫我 group 埋咗，但可唔可以 set 到某一個做 primary 㗎？佢好似一定係 hotmail primary... FAIL!
- 相機方面, 唔好同 920 比, 普通影相係夠晒用, 加埋個 smart shot 同全景, 都幾多嘢玩, GOOD!
- 地圖都係 Nokia map, Nokia drive, 同其他 Nokia 機一樣, 圖資夠用, 仲有個 "Nokia 城市特搜", 可以用 camera 配合地圖, 圖資, 幫你搵附近有咩嘢玩有咩嘢食, 喺返個 camera 度 mark 出嚟, 有埋距離, 可以 click 佢睇資料, 幾方便, GOOD!
- 有部份 apps 未 support WP8, 例如 twitter, 由張相去share去fb, twitter係OK, 但喺官方twitter app 度加張相入tweet會出唔到條tweet, 要等update, 如果一兩個月內唔 fix 就要打屁股了...

結論: Lumia 620 合格有餘, 仲要咁平只係$2288, spec唔差, 又係最新WP8, 假設佢出到 WP9 / WP8 SP1-2 仲會畀 update 已經滿足晒, 如果一定要勁 spec 嘅請用 820, 920, 但貴1-2倍 (4xxx-5xxx).

PS. 要鬧下 Nokia shop, 今日我去九龍灣德福嗰間, 得820, 920, 800 啲 models / banner, 我問有冇 620, 佢指住部放喺個 920 booth 側邊嘅機話嗰部就係，乜嘢 banner 什至一個牌仔都冇，零宣傳，leftlet 就有一張。
PPS. 衛訊買手機送嗰個咁嘅爛鬼Volkswagen手機袋，超樣衰，最大好處應該係... 防盗，賊仔見都咁樣衰嘅手機袋未必會偷 XD

2012 敗家回顧

HP Veer 4G Xperia Mini Pro Xperia P 藍魔W19 iPad mini Kinect Huawei E355 唔記得仲有冇啦~

Google+

一段長時間冇寫 blog, 原來 blogger 已經同 Google+ 整合咗...

休BLOG

公私兩忙，暫時休BLOG。

古兜冰泉別墅區兩日一夜遊

這兩天去了古兜，也是廣東的溫泉度假村，比起之前去河源和清遠，近了一點點，不過可能因為已經開幕了比較長的時間，設備都有點殘舊，而且國內的遊客也不很珍惜，員工做事又慢，所以有點感覺不太好吧。

又收到請帖了

今次是一位中學同學，九月尾結婚，明年就到我派了！

工作@城大

這個星期都會在城大度過，因為要做一些修改和測試，還要跟城大的人研究和更新。
城大的環境不錯啊，食飯又不貴，交通也算方便，坐東鐵再轉西鐵回家很快呢。

新電腦

公司給我的新電腦是 ThinkPad Edge 11吋。
方便拿出去工作用，不過速度好像比我的 X61 慢了一點點...

一到手便做一下備份，下一步就安裝了 Fedora 15，還是用 Linux 比較就手。

新開始

今天開始新工作了，雖然同事很多也認識幾年了，不過一起工作還是第一次，第一天感覺不錯，很多新東西要學要用，要加油才行。
PS 看來我一定要拿公司門匙才行了，我太早上班啦。

修理電腦(三)

其實也不算是修理，因為我在網上看到有關給了女朋友那台電腦的資料，似乎是因為RAM太多和BIOS有問題的原故，所以只要RAM不超過2G就沒問題，於是就“教導”了她拆去部份RAM，果然成功了！
今天晚上到她家做節，吃得很飽！

Good bye Red Hat

四年半轉眼就過去了，今天是在紅帽上班的最後一天。
下星期就轉換工作環境了，希望很快習慣吧！

修理電腦(二)

今天打算再替女朋友修理一下她家的電腦，順便拿了一台舊電腦給她。
花了半天，裝好了之後，很不穩定，奇怪，之前一直在用(Linux)也沒有問題啊！不過不玩遊戲也是很穩定的，先放著，再研究吧。
她家也有另外兩台電腦，一台懷疑是電源問題，一台應該是底板問題，於是就把兩台拆了再重新組合變成一台了，現在很穩定呢，沒有問題了！
在她家裡吃完晚餐才回家，今天有一點點成果，不錯。

黑癲鵝先生

今天下班去了看占基利的“黑癲鵝先生”，雖然他的電影很多都是笑片，但這次除了好笑之外，還有很濃的親情感受的到，當中有幾場戲更加是有點感動得差點流下眼淚，很值得看的電影。

故事簡介

「二十世紀霍士影片」榮譽發行，本年度暑假獨一無二No.1 特技開心片霸《黑癲鵝先生》，由《衰鬼上帝》世界級無敵笑匠占基利，暨六隻可愛到痹的搞鬼真企鵝攜手演出，再經《翻生侏羅館》製作公司瘋狂爆笑主理，全天侯觀眾引頸以待，大人細路年青人情侶朋友們，齊齊笑到癲咗！波特先生（占基利飾演）是紐約市內一名甚有成就的商人，卻終日埋首工作，忽略家庭友好以至自己生活，往往被排斥成為「獨家村」。某日，波特在家中收到一箱神秘速遞，幾經轉折後，赫然發現箱內彈出六隻超級可愛的──鬼馬小企鵝！牠們每日輪流瓜瓜叫，個個身懷惹笑絕技，專搞破壞冇時停；波特施展渾身解數跟小企鵝大搏鬥，由安樂窩反轉到紐約大城市，頻頻玩出禍，最後點收科？與此同時，波特從小企鵝身上學懂了熱誠和熱鬧共處的道理，瘋狂笑聲背後，原來也可以非常窩心。

導演 : 馬克華特斯
演員 : 占基利
片長 : 94 分鐘

修理電腦(一)

今天到女朋友家，替女朋友修理一下她家的電腦，
她家有三台電腦，一台是舊電源加新底板，經常關了機要等很久才能開，也有時會當機；另一台是新一點的機器，但經常突然重啟；最後一台是很舊的電腦，因為那台新電腦經常當機，所以投閉置散了。
到了家裡才發現她沒有USB的鍵盤，於是就從鴨脷洲坐巴士到灣仔買了再回去。再嘗試了很久，也還是不行，看來修理這台新電腦有點難度，還是等一下次吧。

一周年

光陰似箭，日月如梳，很快就到一周年的日子了！
希望會一直到一百周年...

大學同學BB聚會

畢業11年了，很多同學都結了婚，什至有同學孩子都差不多10歲了，真快。
今天剛好有其中一個宿舍同學，他的老婆生了小朋友，就順便約了一大班宿友聚一下，有差不多20人，其中還有4個小朋友呢，由1個月到3歲都有，很可愛，還發現他們真的很像父母啊！

出院了

今日跟女友一起到了上環，計劃坐巴士到醫院探望她爸爸再送她回家，吃午餐之前打電話給她爸爸前問，爸爸說可以出院了，我們打算吃過午餐之後去接他。但吃完元氣壽司，她妹妹說爸爸已經可以回家了，於是我們就直接坐巴士上她家了，坐了一會，玩了一會的電腦，我才回自己家吃飯，幸好沒塞車，七時左右就回到我家了。

Resigned

Finally, after 4.5 years in this company, I decided to resign.

探病

女朋友的爸爸腰部要做手術，今天下班跟她一起去醫院，不過剛做過手術，還是不很清醒，我們也不方便留很久。探病過後，我們一起到灣仔吃個晚餐就回家了，希望他快點能出院吧。