舊年4月尾同班同事去過的青瞰徑，今日同Gi再去一次。
兩點幾先出發，一出發有少少驚險，見到一個蛇頭鼠眼的阿叔，在起點一邊吸煙，一邊漫步，我地見到有少少驚呀，都唔知佢係唔係壞人，結果佢行一段，我地行一段，保持距離。
行了大約5分鐘，見到一班玩野外定向的中學生，我地就打算跟佢地行，行下行下，佢地去咗啲小路，我地又諗緊返唔返轉頭好（“壞人”仲晌度“踱步”中），呢個時候，希望出現了，有兩公婆開始行！我地就跟住佢地行喇，行下行下，遇到好多行山人士，都冇咁驚。
終於，四點幾完成，四公里的步行徑。
今次天氣好好，又唔係太凍，又有陽光，睇到好靚的景。
不過，真係好累...
