我記得果時係2000年中，我晌銅鑼灣返工，冇諗過要買PDA，有一日，Andrew、Wilson和阿明睇中了一部Palm m100 - 新出的！好似係大約$1200。
跟住放工定係食晏就出去皇室堡買機，我見佢地買得咁開心，就走入去睇下，點知... 一睇，一摸，不足2分鐘已經愛上“它”了，結果係晌完全唔知咩野係Palm的情況下，購入了第一部PDA。
之後好似話有旺角星際有人（SAM哥）幫人加RAM，仲花了差不多百多元去加到8M，再花一百大元買埋個ChOS。自此就擁有一部 8M的中文m100（好勁呢當時）。
不過，大約用到2002年頭左右啦，有一日申請網上行，話有特價仲有野送，就申請左了（用到而家），禮物竟然係PDA - Explore v88，用落又幾好玩，於是就把 m100 放到櫃桶底了。
再後來，好似係2005年，朋友送了部iPaq 3600俾我，咁我櫃桶底又多一部機 (Xplore v88) 啦～
結果因為部 iPaq 太食電同埋唔夠memory (有32M，但係得唔夠1M空間），就比較少用了。
近期因為有朋友sell PDA，久不久會俾資料我睇，於是又“心癮”起，想重回PalmOS 的懷抱，差少少就買了 Palm TX 或者 Palm LifeDrive 了，呢個時候令我諗起在櫃桶底的m100，結果係戰勝了心魔，再次把 m100 拎番出來整番靚仔佢來用了，佢好似一個好耐冇見的舊朋友咁，哈哈...
