今日又去了踩單車，今次由屯門直入天水圍西鐵站，之後見到另一條單車徑，就試一試啦。
一直踩都唔知自己踩左去邊，原來在天耀村對面的河邊，踩了一陣又見到另一條路，於是又去了試踩（後來返屋企看地圖才知道是差不多到流浮山），踩下踩下去到好遠，又冇乜人，諗住影下相就返天水圍了。貪方便，未停定單車就拎了電話出來，點知一拎高個電話就失去平行，差少少就反車，最後係冇反車的，但係就撞到小腿，又受傷了...好痛！
痛住踩返天水圍，返到之後又冇咁痛了，於是就踩了到最遠的天恒村，見到路牌話前面係濕地公園，不過驚頂唔順踩返屯門，所以就返轉頭了。
返到天水圍西鐵站之後就回程了，到了朗屏也沒有吃東西就返屯門，踩得好快好順。
不過今次沒有飲食，返到屋企好累好累，於是十一點左右就睡了。
