2006年最後一天

今日冇乜節目, 冇倒數2007.
屋企部機壞了火牛, 下晝去了黃金買火牛.
之後同阿明 Anna 去天水圍打邊壚, 之後就返屋企了.
2007年...希望整返件女朋友啦! 哈哈哈.
工就轉左喇, 穩定之後應該要出下手了! 嘿嘿~

新 notebook

第3日返工，今日上晝學 certify 硬件，都幾易呀，
同做 LSB test 差不多，唔難跟進。
下晝食完飯去灣仔電腦城買 notebook，買了一部
ThinkPad T60，2G RAM, 80G harddisk，大約
12400元，另外再買一部畀 sales 用， ThinkPad X60,
11000元左右，要install Fedora同 XP，不過我
拎唔到咁多部機返屋企，所以先拎部 X60 返屋企搞，
等放完新年假再搞我自己部啦。
ps. 今日等 notebook 等到4點，真可憐!

第二日返工

第二日返新工，開始學野了，由於 network 好 down，
只係睇了一些資料同 training。
下晝有另一間公司的人來 demo 同埋傾合作，我又
要去開埋一份，聽下聽下都幾悶，不過要習下了!
夜晚返了舊公司聖誕party，有野食又有獎抽，好開心!

第一天返工

今日開始在新公司打工，公司在利園，我好早就到了，
等了一陣老細就返到公司啦。
原來唔駛見客的日子係可以唔駛著西裝的!
哈哈，咁我聽日著返普通衫就ok了。
公司在一個 business center 中，大約60個單位，
我公司佔3個，有好大的 pantry同好靚的 reception位，
什至 toilet 都好大好靚，感覺不錯!
全公司(香港分公司)6個人，幾好呀，加埋另一邊的
post sales 人員大約20幾人。
第一日返工主要都係聽下老細講解公司野，
睇下slides 咁，好快過。
夜晚2間公司一齊搞 christmas party, 在上環食西餐
私房菜，好大份，好飽，不過真係幾好食呀。
抽獎抽到之前想買的飛機仔，紅外線的，幾好玩呀!

工展會 2

今日同 Josephine Johnny Claudia 去了工展會，由於上星期已經同阿媽阿妹去過，所以都好熟路。
我幾乎冇買野，佢地就買好多食物，例如麵、零食、茶葉等，不過我最後都買了領呔，有人幫我眼揀真好！
食完TEA後就返屋企食飯了，過兩日要返新工喇，緊張！
呢幾日要休息多D先得。

平安夜

今日下晝同同學去了睇"傷城", 故事都幾緊湊, 金城武好型, 梁朝偉好奸, 兩個女主角基本上冇乜戲.
有暗戰同無間道feel, 不過比無間道簡單, 總括而言都幾值得睇!
之後去了葵芳和民食飯, 再出尖沙咀感受一下節日氣氛, 食埋少少野就返屋企了, 又平安度過~

Jimmy's Kitchen

今晚同 Josephine, Johnny, Claudia, Anthony 出來食飯聚舊, 去了尖沙咀亞士里道的 Jimmy's Kitchen 食扒.



環境幾好呀, 不過今晚個場好多人, 冇想像中咁靜.
食物質素都好好, 開頭的包都好好味! 佢地仲叫了紅酒, 不過我唔飲酒所以唔知好唔好飲, 哈哈.
一人叫了一碟扒交換食下, 唔錯唔錯, 不過價錢就真係幾貴呢, 但難得有機會去下咁正的地方食野, 都唔緊要啦, 仲要係聖誕, 都ok.

悶死了.

看來, 長假期真的不太適合我這種人. 哈哈!
今日拿了改好的西裝, 屋企人都話幾型. 太好了.

大出血

今日趁未開始返工, 去了買返工衫.
結果當然係大出血啦!
共有:
深灰色細直紋西裝褸, 連同款西褲兩條
粉紅色和黑色裇衫各一
普通西褲, 黑色, 深藍色, 淺灰色各一
黑皮鞋一對
大約用了 二千五百元, 很久沒試過一日用這樣多的錢了!

舅父結婚

今日係舅父大婚之喜!
上晝10點半屯門註冊處註冊, 2個都係住屯門, 好方便呢!
佢地唔擺酒, 改為在華都請食飯, 2圍, 人少少但好熱鬧, 又打牌又唱k.
原本只係午飯的, 但係因為太高興, 改為男家請午飯, 女家請晚飯, 於是午飯之後返了屋企(咁近真好) 休息幾小時又返酒樓晚飯, 打牌的就直落.
一日去兩次飲, 真係飽啊!
仲有見到好耐冇見的表弟表妹們, 真係大得快! 上次見明明仲係小朋友黎的...

工展會 2006

今日同阿媽和阿妹去了工展會。
不過冇乜持別呀，都係買了一些壽桃牌同埋一些茶葉咁。
今次記得抽獎了，三張抽獎券，點都有少少獎呱!

周末遊蕩

今日下晝一點幾就出去了。
首先去金鐘幫 Josephine 拿課本，都幾重呀! 不過好快呀，兩點半左右就拎左了，四點五十分先上堂，去邊好呢。
去灣仔電腦城(好耐冇去)行了一陣，買返一張 1394 adaptor, 可以用個 harddisk 盒了，只要95元。
差少少想買 RAM，因為好想加到屋企 desktop 有1G RAM, 但想到換機用唔返 DDR-400, 就冇買到了，等有問題一次過換晒好過。
行完大約4點，去西環等埋 Wendy 去上 design 堂，點知等唔到小巴，想等巴士時又有，激死，結果上了小巴，但又有少少唔同路線，去到已經開始了，好在只係開始了一陣。
今堂是最後一堂 Illustrator, 功課係整電影海報和首影戲票，上次份係勾圖，要用真人的照片，我都未做，下堂係1月6日，一次過交兩份。
上完堂佢去旺角火車站飲，一齊遊蕩了一陣，佢就上酒樓，我就坐巴士返屋企。
幾 relax 的一天。

魔術堂七 - 啤牌魔法 2

Last day 大約 6:45 放工，今晚上堂之前太多時間，於是順便去黃埔吉之島買禮物。
有兩個選擇: 莎莎的hand cream + lip gross 套裝，同埋 crabtree & evelyn hand cream, 後來考慮到佢好少化粧，就選了 crabtree 的 summer hill hand cream 了。
食完飯後去上堂，今堂原本係教硬幣魔術，不過因為有三堂啤牌，今堂就改了教啤牌啦。
今次用的不是上次的道具啤牌，而係有暗號的啤牌，所以好容易可以估到觀眾所選的牌。
還有一個廿一張牌的魔術，看似好神奇，但其實是數學類型的魔術，跟足做法就一定可以的了。
聖誕節有魔術表演俾人睇了!

開心嘅時間過得特別快，又係時候講bye bye

終於都 Last day 了，沒有什麼特別感覺，又唔係唔會再見到啲人，係少啲機會啫，有心的話都可以成日見。
希望個個都搵到好工啦！加油～

星之卡比

近期煲的一隻game－星之卡比尖叫班。
遊戲本身都算幾好玩，卡比仔好可愛！
不過呢隻難度就低了一點（對我來說）。

最後5日

仲有5日就要離開做了6年的公司, 離開習慣了6年的工作環境.
唔知去到新環境快唔快習慣呢? d人好唔好人呢?
唔諗了, 到時先算, 而家畀心機 handover.

好想話比你知...我嘅感覺

一門 (The mon)

昨晚為了還相機和順便答謝 Wendy 借相機畀我幫阿妹影畢業相，去咗銅鑼灣的＜一門＞食飯。
地方幾好，唔逼又唔嘈，又唔太暗，不過如果唔訂位就多數冇位的了，好在訂咗～
食物都不錯，我地食了:
1. 厚燒蟹肉玉子
2. 手燒雞翼串
3. 串燒帶子
4. 三文魚茶漬 ( 大約係湯飯咁 )
5. 東洋卷, pancake皮加蟹籽和青瓜餡

6. 日本綠茶 ( 似玄米茶 )

地址: 銅鑼灣軒尼詩道502號黃金廣場4字樓
電話: 2504 3313

Design 功課五 - line art

臨摹出來的 Mini Mario...

Wii

讓我們一起 Wii 吧!

重回中大

今日阿妹影碩士畢業相.
好耐冇返過中大了, 我諗都有幾年, 上一次是阿妹的學士畢業吧.
今日唔係好多人, 幾好, 去到邊都可以隨便影到.
仲去左好多之前2次冇影到的地方, 加上有部靚相機, 影左好多相!
12點影到3點幾, 再去沙田飲茶, 返到屋企5點半了, 好累但好好玩的一天.

第一堂 illustrator

上堂是最後一堂教 photoshop, 阿SIR竟然讚我同wendy的功課(其實是同一個source教學), 好似冇發現, 真係好彩.
今堂教 illustrator, 見到阿SIR的其他學生的功課, 真係畫得好靚好靚, 希望我都做得到啦.

絲巾魔術

今堂的魔術堂, Gi 唔得閑上, 要去飲, 我自己上.
今次的魔術係絲巾魔術, 幾好玩, 主要係圍繞"打結".
比繩難少少!
仲順便識左個同學添, 幾好幾好!