今日開始在新公司打工，公司在利園，我好早就到了，
等了一陣老細就返到公司啦。
原來唔駛見客的日子係可以唔駛著西裝的!
哈哈，咁我聽日著返普通衫就ok了。
公司在一個 business center 中，大約60個單位，
我公司佔3個，有好大的 pantry同好靚的 reception位，
什至 toilet 都好大好靚，感覺不錯!
全公司(香港分公司)6個人，幾好呀，加埋另一邊的
post sales 人員大約20幾人。
第一日返工主要都係聽下老細講解公司野，
睇下slides 咁，好快過。
夜晚2間公司一齊搞 christmas party, 在上環食西餐
私房菜，好大份，好飽，不過真係幾好食呀。
抽獎抽到之前想買的飛機仔，紅外線的，幾好玩呀!
