昆山之旅的第一天：
五點就起身了，跟住坐的士去機場，六點十五分到達，
早知唔駛咁早出門口啦，結果在機場等到七點九個字，
可以登機了！
八點半起飛，十一點就到達上海浦東機場，但係要等北京
同埋台灣來的同事，我地就晌機場搵到一間餐廳食下等下，
仲有得上網添，當然唔少得玩NDS啦！三個人食左近200元，
都幾貴。
四點，終於人齊了，叫了一架車去昆山，去到都六點了。
開左一陣會，跟住就當然係去食飯啦！嘩，好恐怖，佢地
係咁飲（應該話係灌）啤酒，好在我冇飲，飲飲下仲叫左
一支唔知咩瀘山咩窖，白酒，我聞到都面紅，佢地十個人飲晒。
跟住十點就返到宿舍了，所謂宿舍其實係指“昆山軟件園”
的商務中心，酒店來的，間房不錯，只係冇乜服務囉，
OK啦，抖下都不錯！呢度真係好似以前元朗小商新村果頭咁，
得田地同池塘，乜都冇。
我已經冇乜可以做，除了NDS。
現在時間：2006年6月4日23:02
